“Сагынма да, ялынма да”
Алсинә Салахова сүзләре.          
Фирзәр Муртазин көе.

Көлгә әйләнгән хисләрне,
Җилләргә сипкән инде.
Акылны тыңламый йөргән,
Чакларым үткән инде.

Сагынма да, ялынма да.
Сөюләр үлгән инде.
Син дип янган учакларның,
Ялкыны сүнгән инде.

Матур сүзләргә ышанган,
Йөрәктән көләм инде.
Мин дә хәзер саф хисләрнең,
Бәясен беләм инде.

Йөрәкнең ишегендә дә,
Зур йозак күптән инде.
Чын сөюне таный алган,
Вакытлар җиткән инде.