Синең белән икәү җитәкләшеп, 
Менеп киттек тормыш үренә. 
Җил-яңгырлы давылларын үттек 
Алда якты кояш күренә. 

Рәхмәт сиңа, ҖАНЫМ!
Авыр минутларда 
Сабыр түзем булдың һәрвакыт. 
Күңелем түрендә утлар сүнгән чакта 
Юлларымны бардың яктыртып. 

Кыен вакытларда чыдам булып, 
Каршы тордык давыл җиленә. 
Каян алдың шундый сабырлыклар 
Таңнар калдым синең көчеңә. 

Рәхмәт сиңа, ҖАНЫМ!
Авыр минутларда 
Сабыр түзем булдың һәрвакыт. 
Күңелем түрендә утлар сүнгән чакта 
Юлларымны бардың яктыртып. 

Тормышның юллары борма-борма 
Ялгыш юлга кереп китмәдек. 
Яратканга күрә икебез дә 
Буш сүзләрне бик тиз үткәрдек. 

Рәхмәт сиңа, ҖАНЫМ!
Авыр минутларда 
Сабыр түзем булдың һәрвакыт. 
Күңелем түрендә утлар сүнгән чакта 
Юлларымны бардың яктыртып.