Төреғали,Құрал,Аян,Қайнар-Достығымыз жарасқан

1.Досың барда жау бармайды,
Ат үстінен аудармайды.
Алынбайтын қамал болсаң,
Бағынбайтын тау болмайды.

2.Шешілмеген дау қалмайды,
Дауласқандар дауғармайды.
Көп ішінде адал досың,
Сен үшін де армандайды.

Қайырмасы:

Қабырғам алаштан, керегем ағаштан,
Өсірген қара жер, көтерген көк аспан.
Жалынды жастармыз,
Достығы жарасқан, достығы жарасқан.

3.Жалған өмір, жалған бейне,
Жарқылымен жанды арбайды.
Адал досың алдамайды,
Алдайтын дос алданбайды.

4.Бірлігі жоқ ел болмайды,
Тірлігі жоқ ер болмайды.
Ескі досын елемеген,
Бақытын да аңғармайды.