Зноў святкаваў Івана Купала
Каля Беларускага вакзала
Вялікая Грузінская, Бутырскі вал
Папараці кветку ўначы шукаў
Дзе мая мама, дзе мая Зеля?
Быў Базыль, а стаў Ямелем.
Блукаю па свеце, як сабака блахасты
А ў Менску чакае хворы тата.

(x2):
Белыя воблакi, чорны анёл!
Старыя ворагi - цмок ды арол!

Раззлаваў хам шклоўскага пана
Радзіўся беларусам - стаў цыганам.

Каціся па свеце на бусліку-ровары
Вясёлая батлейка, кажы містэрыю.
Дзе мой Паўлiк? Дзе мая Вольга?
Гуляй, музыка, вандроўную польку!
Стаптаў боцiкi, знасiў адзёжу
Вяртайся на Радзiму, злодзей Сярожа!

(x2):
Белыя воблакi, чорны анёл!
Старыя ворагi - цмок ды арол!

(x2):
Белыя воблакi, чорны анёл!
Старыя ворагi - цмок ды арол!