Музыка Омара Отарова, стихи Исмаила Рахаева.

Мен сени бек сюеме,
Сюймеклик отда кюеме,
Сени кёрсем, аралыб къалама!
Бюгюн а оюнда,
Джаш тёлю тоюнда
Къолтугъунга киргенлейин барама.

Колхоз ишде джигерсе,
Алчылагъа сен нёгерсе,
Асыры бек ёхтемсе, ариу къыз.
Къобузну ариу согъаса,
Джюреклени къозгъайса,
Абезекге тепсегенлей барабыз.

Уста тепсей билесе,
Тойгъа къууат сен бересе,
Башхалагъа, тилейме, къарама.
Билесе сюйгеними,
Кёресе кюйгеними,
Къолтугъунга киргенлейин барама.

Мен сюрюуню кютеме,
Колхоз малны бек кёб этеме,
Джигер ишлеб, махтаула алама.
Бюгюн а оюнда,
Джаш тёлю тоюнда,
Къолтугъунга киргенлейин барама.

Ишни болджалгъа салмай,
Иги джашдан къурулулай къалмай,
Джюрегими термилтме, талама.
Узатама санга къол,
Анамы келини бол,
Къолтугъунга киргенлейин барама.