Сәләтне сагынып,
өзелә үзәгем.
Җырлыйк әле Сәләт турында!
Искә алыйк әйдә
сәлкешләр дуслыгын,
әйдаманның ачык йөзләрен!

Сәләт безне берләштерде!
Сәләт безне кавыштырды!
Сәлкеш булу бик зур бәхет!
Кадерләрен белеп калыйк!

Хәзер инде менә
әйдаман да булдык!
Апа-абый хисен таныдык...
Йокылар туймыйча,
әзерләп учаклар,
сәлкешләр турында уйлыйбыз...

(кушымта)

Сәләттә гомергә без бергә,
тайпылмабыз шушы юллардан!

Э.Байназаров көе,
А.Мингазова сүзләре