Што за месяц, што за ясны,
Ўночы свеціць, а ўдзень – не?
Што за міленькі дружочак,
Калі прыйдзе, калі – не.

Усе людзі, людзі кажуць,
Усе людзі гавараць:
"Сорам, дзеўка, сорам, красна,
Позна з вечара гуляць".

Дзяўчыначке кепска стала,
Стала плакаць і ўздыхаць,
Хлапчыноньку шкода стала,
Стаў дзяўчынку суцяшаць.

Не плач, дзеўка, не плач, красна,
Прыйду ў госці да цябе,
Разгарыцца кроў гарача –
Вазьму замуж за сябе.