Господи, воззвах к тебe, услыши мя: вонми гласу моления моего, внегда воззвати ми к тебe.

2 Да исправится молитва моя яко кадило пред тобою: воздeяние руку моею, жертва вечерняя.

3 Положи, Господи, хранение устом моим и дверь ограждения о устнах моих.

4 Не уклони сердце мое в словеса лукавствия, непщевати вины о грeсeх с человeки дeлающими беззаконие: и не сочтуся со избранными их.

5 Накажет мя праведник милостию и обличит мя, елей же грeшнаго да не намастит главы моея: яко еще и молитва моя во благоволениих их.

6 Пожерты быша при камени судии их: услышатся глаголи мои, яко возмогоша (усладишася).

7 Яко толща земли просeдеся на земли, расточишася кости их при адe.

8 Яко к тебe, Господи, Господи, очи мои: на тя уповах, не отими душу мою:

9 сохрани мя от сeти, юже составиша ми, и от соблазн дeлающих беззаконие.

10 Падут во мрежу свою грeшницы: един есм аз, дондеже прейду.