Татар халык җыры

Тал әйләнә, тал әйләнә,
 Талга яфрак бәйләнә.
 Күргәнче сүзем күп була,
 Күргәч телләр бәйләнә.

 Кушымта:
Талы, талы, Талы бөгелеп тора.
 Тагын бер күрәсе килә,
 Үзәк өзелеп тора.
 
Тал тирәкләр утыртканнар
Агыйдел читләренә.
Алсу алма суы тамган,
 Бәгырем, битләреңә.

 Кушымта.

 Былбыл булсам, бакчаларда
 Бер тирәк сайлар идем.
 Шул тирәктә сине мактап
Иртә-кич сайрар идем.

 Кушымта.