Ana-babanıñ evine, sanki quş olıp uçam men,
Menim qalbim sevine, kederlerni unutam men,
Anam sözsiz er şeyni añlar, babam indemeyip maña baqar,
Sevem sizni, anam, babam, sizler - menim bahtlı dünyam!

Ne yerden sözler men tapayım,
Duyğularımnı nasıl aytayım?
Sensiñ işançlı, adaletli , menim babam,
Sağ ol, deyim saña, menim aziz babam!

Ne yerden sözler men tapayım,
Duygularımnı nasıl aytayım?
Dualar oquysıñ sen, menim içün, anam,
Sağ ol, deyim saña, menim aziz anam!

Sevem sizni, anam-babam, er sefer aytıp olamasam da,
Yanıñızğa çapıp baram, öz ballarım endi olsa da,
Allah sizge sağlıq bersin, qazalardan qorçalasıñ,
Unutmayıq, ana-babağa, sağ olıñız dep aytmağa!

Sen menim, menim içün küneşim, yarığımsıñ, anam!
Sen menim ümütim, tayançımsıñ, sayğılı, babam!