Карлар яуган саен  сине
Искә алып, сагынам.
Очрашырбыз әле диеп,
Искән җилләргә табынам.

Ә мин сине озак эзләдем,
Талды инде күзләрем
Кышкы юлдан сине көтеп,сине көтеп.

Мин ишеттем тавышыңны
Кышкы буран елавында.
Сагынуыңны алып килде
Тургай моңы иртә таңда.

Мин дә сине бик эзләдем,
Синдә тәүге мәхәббәтем.
Өзелмәгән әле өмет, өзелмәгән.

Синнән башка  Җир йөзендә
Төннәр моңсу,көннәр нурсыз.
Синнән башка Җир йөзендә
Күлләр сусыз, җырлар моңсыз.

Безне язмыш очраштырды,
Безне тормыш таныштырды,
Бергә генә булыгыз, дип,
Бергә генә...