Без Агыйделдән җыр алып килдек,
Урал таулары сәлам юллары.
Ничә кат инде җир шарын урый
Татар җырының данлы юллары.

Агыйдел яры
Моңга уралган,
Сәлам Уфадан,
Сәлам Уралдан.
Йөретә безне
Җыр канатлары.
Моңлы гөлбишек –
Уфа яклары.

Кая барсак та, кайда йөрсәк тә,
Сез, туганнарым, каршы аласыз.
Йөрәк тоташа моңлы җыр аша,
Без туган җирнең газиз баласы.

Агыйдел яры
Моңга уралган,
Сәлам Уфадан,
Сәлам Уралдан.
Йөретә безне
Җыр канатлары.
Моңлы гөлбишек –
Уфа яклары.

Сагынган чакта, җирсегән чакта
Безнең моңнардан шифа алыгыз.
Без бит җир шарын җырга чорныйбыз,
Хәерле сәфәр теләп калыгыз.

Агыйдел яры
Моңга уралган,
Сәлам Уфадан,
Сәлам Уралдан.
Йөретә безне
Җыр канатлары.
Моңлы гөлбишек –
Уфа яклары.