Мин күкләрне иңлим әле, мин кояшны күзлим әле
Йолдызларны табам әле аяз күкләрдә
Болытлардан атлап йөрим, кояшны күңелгә элим
Яктылык турында бер җыр тамсын күзләрдән.

Куңелдә кояш
Бәхетем миндә бик юаш
Нурың белән кил син тоташ
Сөю тулы җаным түрен яула да.
Син кояшка әйлән әле, син күңелгә бәйлән әле
Йолдыз булып күрен минем аяз күкләрдә
Бәхетемне кояш итим, кояшны күңелгә элим
Шул кояшым булып ян син, ян син бүген дә.

Куңелдә кояш
Бәхетем миндә бик юаш
Нурың белән кил син тоташ
Сөю тулы җаным түрен яула да.