Биз чыкъгъан эдик ой тар Басхандан жер къарай,
Жюрюген эдик жалгъан жашауда кюн санай.

Биз чыгъа келдик ой тар Басхандан, юзюлюп,
Да кирген эдик шам Тебердиге, тизилип.

Биз умут этдик шам Тебердиде жашаргъа,
Буюрулмады Мухуну будайындан ашаргъа.

Къан жаугъанды Муху башында чатлагъа,
Кимле минерле мекер тамгъалы атлагъа?

Хапарыбызны, ой, кимле барып айтырла
Уллу Басханда ныгъыш сакълагъан къартлагъа?