муз. и сл. народные

Нартда барды беш батыр,
Ори, орайда!
Бара, жорта кетдиле,
Ори, орайда!
Быллай жерге жетдиле,
Ори, орайда!
Эл болмагъан жерледе,
Ори, орайда!
От жарыкъла кёрдюле,
Ори, орайда!
Не этгенлерин билирге,
Ори, орайда!
Ёрюзмек, сенден бош жокъду,
Ори, орайда!
Не этгенлерин билирге,
Ори, орайда!
Барып сорчу, Ёрюзмек,
Ори, орайда!
Жорта кетди Ёрюзмек,
Ори, орайда!
Чабып жетди Ёрюзмек,
Ори, орайда!
- Иш къолай болсун, аманла!
Ори, орайда!
- Сау бол, сау кел, Ёрюзмек,
Ори, орайда!
Жууукъ болсанг а, Ёрюзмек,
Ори, орайда!
Атанг антлы жууугъубуз,
Ори, орайда!
Жууугъубузну жашыса,
Ори, орайда!
Сени да жууукъ этейик
Ори, орайда!
Къыз керек эсе, берейик,
Ори, орайда!
Той керек эсе, этейик,
Ори, орайда!
Ючю дейди желпегей
Ори, орайда!
Желпегейни къоя кел,
Ори, орайда!
Тонун тешди, Ёрюзмек,
Ори, орайда!
Ичлерине киргенди,
Ори, орайда!
Къобузчуну кёргенди,
Ори, орайда!
Къобузчу бла тепсей эд,
Ори, орайда!
- Къайсы къызны сайлайса?
Ори, орайда!
- Къобузчуну сайлайма,
Ори, орайда!
Къобузчуну алырма,
Ори, орайда!
Къалынын да айтыгъыз,
Ори, орайда!
- Къалынын биз айтайыкъ -
Ори, орайда!
Тюбюнгде къолан атынг,
Ори, орайда!
Башынгдагъы такъыйкъа,
Ори, орайда!
Жанынгдагъы жамычыды,
Ори, орайда!
- Алай болса, аланла,
Ори, орайда!
Мен нартлагъа сорайым,
Ори, орайда!
Ала айтханны этейим,
Ори, орайда!
Барып сорду нартлагъа,
Ори, орайда!
Айтып барды Ёрюзмек,
Ори, орайда!
- Патчахларыны къызыды,
Ори, орайда!
Алып келсенг, иги эд.
Ори, орайда!
Артха къайтды Ёрюзмек,
Ори, орайда!
Болжалына жеталмад,
Ори, орайда!
Аланы анда тапмады,
Ори, орайда!
Къайтып келди ызына,
Ори, орайда!
Аланы анда кёрмеди,
Ори, орайда!
Бушуу душман болдула,
Ори, орайда.