муз. и сл. народные

Эй, хей, Аче да улу Ачемез, дейле, ой,
Ай, Ачемеза а, ой,
Ай Къырымдан а келген къырым хан,
Ой, хо-орайда, ой.

Эй, хей, Ачемезге хапар сорады, дейди, ой,
Ай, алай сорады:
Ай, Ачемез, тау ичлери тармыды?
Ой, хо-орайда, ой.

Эй, хей, Ачемез а: "Тау ичлери тардыла, - деди, -
Ай, алай а тардыла,
Ай, мында уа атха арпа бермейле,
Ой, хо-орайда, ой.

Эй, хей, сени кибик эски ханны итге кёрмейле,
Ай, алай а кёрмейле,
Ай, ол а ханнга бир да ачыу тийгенди,
Ой, хо-орайда, ой.

Эй, хей, "Ачемез сен а женгил боласа ", - деди ой,
Ай, алай а боласа,
Ай, Ачемез а кеси эчки башлыды,
Ой, хо-орайда, ой.

Эй, хей, Ачемезни къатынчыгъы Жанёлмез, дейди,
Ай, алай а Жанёлмез,
Ай, Жанёлмез а ариу къарылгъач къашлыды,
Ой. хо-орайда. ой.

- Эй. хей, Ачемез! Къатынынгы хан тилейди, - дейди, ой
Ай, алай да тилейди.
Ай, бир кечеге аны хаухлугъун бер, - дейди.
Ой, хо-орайда, ой.

Эй, хей, ханыбызны сыйлы кёрейик, - деди, ой, -
Ай, алай а кёрейик.
Ай, дуния билгенден, тейри бла хан бирди,
Ой, хо-орайда, ой.

Эй, хей, тийрени, къоншуну да жатма къой, - деди, -
Ай, алай а жатма къой.
Ай, жатар тёшегинги къакъма къой,
Ой, хо-орайда, ой.

Эй, хей, Аче да улу Ачемез - дейди, ой,
Ай, Ачемез а, ой
Ай, шинжиринги бизуп эритдинг окълагъа,
Ой, хо-орайда, ой.

Эй, хей, ариу Жанёлмезни къалай бересе? - дейле ой,
Ай, алай а бересе,
Ай, Къырымдан а келген бети жокълагъа,
Ой, хо-орайда, ой.

Эй, хей, ариу Жанёлмезни берип сен чыкъсанг - делле ой,
Ай, алай да сен чыкъсанг,
Ай, сени санамазламы адамладан жокълагъа?
Ой, хо-орайда, ой.

Эй, хей, Ачемезни къатынчыгъы Жанёлмез, дейди, ой,
Ай, алай а Жанёлмез.
Ай, эки окъ да бирден тиймей, хан ёлмез,
Ой, хо-орайда, ой.

Эй, эй, Ачемез а дуниягъа айтылгъан батырды - дейди, ой,
Ой, алай а батырды.
Ой, Ачелада тауушсуз ушкок атылды,
Ой, хо-орайда, ой.

Эй, эй, окъ тийгенди ёшюнюнгю кенгинден - дейди, ой,
Ай, алай а кенгинден.
Ай, къанынг а барады, хан, чубангы женгинден,
Ой. хо-орайда. ой.

Эй, эй, жаталмадынг Жанёлмезни къойнунда, дейди, ой,
Ай, алай а къойнунда.
Ай, мыллыгынг жатады уллу чегетни бойнунда,
Ой, хо-орайда, ой.

Эй, эй, ханны салдырдыла балас чанагъа, дейди, ой,
Ай, алай а чанагъа.
Ай, ыспас болсун Ачемезни тапхан анагъа,
Ой,хо-орайда, ой.

Эй, хей, ханны мыллыгын элтиле къарт бийчеге саугъагъа - дейди ой,
Ай, алай а саугъагъа,
Ай, сени жауунг къарасын ол кюн Кёнделенде болгъан къаугъагъа,
Ой, хо-орайда, ой.