Музыка Мустафира Жеттеева, стихи Муссы Батчаева.

Келинчикча къубулады булутлада ай.
Тау арада, къуш уяча, турад Къарачай.
Джулдузланы мутхуз этиб, джарытады ай.
Тынчаяды тау арада бизни Къарачай.

Нарат ийис джайылгъанды рахат эллеге.
Джулдуз джарыкъ тёгюледи тау ёзенлеге.
Джулдузланы мутхуз этиб, джарытады ай.
Тынчаяды тау арада бизни Къарачай.

Сен къатымда олтураса, къол къолну къысханд.
Кёб сюерге, бек сюерге этилгенди ант.
Джулдузланы мутхуз этиб, джарытады ай.
Тынчаяды тау арада бизни Къарачай.