Бірімізге келіппіз,
 Бір көруге жерікпіз,
 Елітуші еді елік қыз,
 Назым күндегі.
 Сынығындай иненің,
 Жабырқаулы күйдемін.
 Сені сонша сүйгенім,
 Жазығым ба еді?

Қайырмасы:
 Сен мен үшін армансың,
 Жанды жаулап алғансың,
 Арманым боп қалғансың, ерік өзіңде.
 Елігімдей ерке қыз,
 Жанымыздың дерті – егіз.
 Еркелеппіз ерте біз елік сезімге.

 Айналасың мүсінге,
 Алау оттың ішінде,
 Тыным берші түсімде тым құрығанда.
 Өртегенде от-қайғы
 Жаным сені жоқтайды,
 Сенсіз зауқым соқпайды түнгі думанға...

Қайырмасы:

 Өтер қайғы, өтерсің,
 Ұмыта алмайды екенсің...
 Шертіп мәңгі өтерсің,
 Күйін басқаның.
 Қайырлатпай қаяу мұң,
 Бағыңды тап баянды,
 Қош бол менің аяулым,
 Бұйырмас бағым.

 Қайырмасы: