J'atendray tant qu'il vous playra
vous declarer ma pensee,
Ma tres chiere dame honouree,
Je ne say s'il m'en desplayra.

Mais toutes fois, [bad word] a
Vostre personne desiree,
  J'atendray tant qu'il vous playra
  vous declarer ma pensee.

Car j'ay espour, quant avendra
Qu'a ce vous serés acordee,
Que ma dolour sera cesee,
Je le vous ay dit long temps a.

  J'atendray tant qu'il vous playra
  vous declarer ma pensee,
  Ma tres chiere dame honouree,
  Je ne say s'il m'en desplayra.