Гуры жандармтæ куы рацæуынц,
Зилынц кæмтты цъалаты.
Гъей, гъей, гъей, мæ дуне,
Уæд зилынц кæмтты цъалаты.

Лаврент сæм рагъæй афтæ дзуры:
«Ме ’рдæм ма рацæут фалæты».
Гъей, гъей, гъей, мæ дуне,
«Ме ’рдæм ма рацæут фалæты».

Тыбылы фыртæм афтæ дзуры:
«Æз абон мæ туг райсдзынæн».
Гъей, гъей, гъей, мæ дуне,
«Æз абон мæ туг райсдзынæн».

Дзераны фыртæм афтæ дзуры:
«Ды мурдæр ницы райсдзынæ».
Гъей, гъей, гъей, мæ дуне,
«Ды мурдæр ницы райсдзынæ».

Тыбылы фыртæй уæд куы фехста,
Йæ галиу фæрсты ацыди.
Гъей, гъей, гъей, мæ дуне,
Йæ галиу фæрсты ацыди.

Дзераны фыртæй рагъæй рыхста,
Йæ рахиз сон ныппырх и.
Гъей, гъей, гъей, мæ дуне,
Йæ рахиз сон ныппырх и.

Жандармтæ Тыбылы фырты фесты,
Лавренти та – тар хъæдмæ.
Гъейтт, мардзæ, ирон сахъ лæппу,
Дзераны фырт Лавренти.