Роберт Тимербаев көе
Рамил Чурагулов сүзләре

1)Сүз йөретмә, гөнаһыннан курык,
Кеше сүзе — кеше үтерә.
Яман күзләрдән, гайбәт сүзләрдән
Йөрәкләргә хәнҗәр ут керә.

Челпәрәмә килгән йөрәкләрнең
Ярчыкларын җыю бик авыр.
Челпәрәмә килсә бар саф хисләр
Кемнәр икән, кемнәр юатыр?
Яраланган йөрәк пәрдәләрен
Бәйләр өчен яулык кем табыр?

2)Сүз йөретмә, гөнаһыннан курык,
Кеше сүзе — кеше үтерә.
Яман күзләрдән, гайбәт сүзләрдән
Саф хисләр дә, хәтта, югала.

3)Сүз йөретмә, гөнаһыннан курык,
Башкаеңа җитәр бу холык.
Телә бәхетләр, телә шатлыклар,
Дошманыңа, хәтта, яхшылык.