Որպես մի ծաղիկ՝ հողից դուրս ելա,
Կյանքին ժպտացի, անցա - գնացի,
Աշխարհը՝ որպես մի քնքուշ երազ՝
Աչքովս տեսա, անցա - գնացի։

Տեսա լավ ու վատ, տեսա համբերանք,
Տեսա շատ կարիք, ահավոր զրկանք,
Տեսա լավ մարդիկ, բարի աշխատանք,
Բարեւս տվի, անցա - գնացի։

Տեսա կառուցվող հոյակապ շենքեր,
Տեսա մարդկանց մեջ գեղեցիկ մտքեր,
Տեսա աշխատող պողպատե ձեռքեր,
Լավին երգեցի, անցա - գնացի։

Տեսա գեղանի, սիրուն աղջիկներ
Ու նրանց գլխին՝ ոսկե պսակներ,
Աղջիկների գովք անող գուսաններ,
Ես էլ գովք արի, անցա - գնացի։

Շահենն եմ, երգեր երգեցի նոր-նոր,
Ման եկա ծաղկանց պուրակներ բոլոր,
Զգացի մահս, մնացի մոլոր,
Կյանքս տվեցի, անցա - գնացի։

Եւ ի՞նչ ես դու, կյա՛նք, կարոտո՛վ երազ,
Ապտակդ՝ ուժգին, բարիքդ՝ մուրազ,
Մտքերդ՝ խորը, մարդիկ՝ քեզ անհ&