с. Б.Тәжібаев
ә. С.Байтереков

Қобда, Нева суларын сүйіп өскен
Әсем гүлін құшаққа жиып өскен, жиып өскен, жиып өскен.
Аққу құстың бейнебір баласындай
Сұлу сазды, жастықтың күйін кешкен, күйін кешкен, күйін кешкен.

Әлия - батыр қызы сен халқымның
Әлия - ару қызы сен халқымның
Ерке құсы кең даламның!

Саған белгі орнаттық мәрмәр тастан
Саған күнде қызыққан мөлдір аспан
Саған күнде жазылған көркем дастан
Саған күнде құшағын көктем ашқан

Әлия - батыр қызы сен халқымның
Әлия - ару қызы сен халқымның
Ерке құсы кең даламның!

Шолпан жұлдыз - өзіңсің шоқтай жарық
Көз алмаймыз көркіңнен тоқтай қалып, тоқтай қалып, тоқтай қалып.
Туған жердің төсінде мәңгілікке
Тұр ғой сенің жүрегің оттай жанып, оттай жанып, оттай жанып.

Әлия - батыр қызы сен халқымның
Әлия - ару қызы сен халқымның
Ерке құсы кең даламның!

Әлия - ару қызы сен халқымның
Әлия - батыр қызы сен халқымның
Ерке құсы кең даламның!
ӘЛИЯ!!!