Бұл өлке - біздің ауыл жайлаған жер-ау
Желіге асыл құлын байлаған жер-ау
Көзіме от жалындай көрінді-ай
Тебісіп, құлын-тайдай ойнаған жер-ай!

Ей, ахау, сабаз!
Ұшырдым ұясынан балапан қаз-ай!
Ұшырдым ұясынан балапан қаз-ай!

Бұл өлке - біздің ауыл күзеген жер-ау
Қарагөз бойын сылап, түзеген жер-ау
Көзіме от жалындай көрінеді-ай
Қолаң шаш уәдесін үзбеген жер-ай!

Ей, ахау, сабаз!
Ұшырдым ұясынан балапан қаз-ай!
Ұшырдым ұясынан балапан қаз-ай!