Мы зекlуэлlымрэ, а-ра, мы зекlуэ шыжьымрэ.
Уар, езыгъэзэшыр, маржэ, уой, си уэрэдкъэ.
Гуащэгъагъымэ сэ си уэрэдыжьыри
Къыщырагъажьэкlэрэ фэ фежьу, маржэ!

Дыщэхуурэ си щхьэцыгъуэшхуэр
Си лъэдакъэпитlмэ нызэдытоуэ,
Къанщэубийм и бампlэр сэ къыстеуэмэ,
Сэ мы сэреижьыр нызэlузохыр!

Мы сэреиьжьурэ лъыр зыдашэнмэ
Цlыху дэсыжкым - сэбафэщ,
Си сабийхэр сигум дэзгъафэурэ
Къанщэубий щlалэр сифэм къеlуатэ!

Дэшхуейуэрэ си пхъэ вакъитlмэ
Санырокlуэри саныроплъэ,
Дунеижьурэ синэм къиплъыхьмэ
Къанщэубий щlалэр тезмылъагъуэ!

Дыщэхуурэ си нэжьгъуцитlыр
Си тхьэкlумэкlитlым ныдызоупщlэ,
Фызабэурэ сэ сыкъыщынами
Рэ, мы пщыжь-уэркъыжьхэр си щlэупщlакlуэт!

Хы тхьэрыкъуэу сыпщэхут,
Сэ мывэху унэжьым сыщlозашэ,
Къанщэубийри сэ къысхуэзышэжмэ
Сэ быдзышэ хужькlэ сыхуэлэжьэнт!

Дыщэплъурэ уи лэгъунэбжэр
Сэ нызэlузохыр, сыныщlоплъэ,
Щащыху хужьыурэ уипlэ щlыжыгъэм
Уэ укъэмыкlуэжу нэху къытощхьэ!

Си lэдиихумрэ лъэдиихуитlымрэ
Сэ ди псынэ щlыlэм хызогъэдие,
Сэ си нитlыр зытедияр
Мо лъагъуэжь закуъэмкlэ ныдокlыж!

Накlуэ, накlуэ, Къэрэшаш!
Къанщэубийр къэкlуэжым дэ дывгъаплъэ,
Къанщэубийр къыщымыкlуэжкlэ
Мывэ фlыцlэжьхэр зэгуэудыхукlэ дывгъагъ!
Мывэ фlыцlэжьри зэгуэмыудурэ
Сэ си напlэщхьитlри зэгуэудащ!