Эй, күңелле җәйге кичләр, 
Серле итеп учак яна.
Кавышалар яшь йөрәкләр –
Тагын бер җәй артта кала. 

Синдә кала күпме дуслар,
Күпме сөю синдә кала.
Тын учаклар, күз яшьләре – 
Искә төшкәч, йөрәк яна.

Кояшлы җәй, ягымлы җәй,
Салкын көзгә калдырып китмә.
Нигә бик азга киләсең –
Сине сагынып гомер үтә.

Кояшлы җәй, ягымлы җәй,
Дуслар җыелышкан, учаклар.
Ләкин күпме сагынсык та,
Кире кайтмас инде ул чаклар.

Әй, кадерле, ягымлы җәй,
Сөюемне синдә таптым.
Җил-бураннар җиңалмады –
Менә кабат сиңа кайттым.

Кояшлы җәй, ягымлы җәй,
Салкын көзгә калдырып китмә.
Нигә бик азга киләсең –
Сине сагынып гомер үтә.

Кояшлы җәй, ягымлы җәй,
Дуслар җыелышкан, учаклар.
Ләкин күпме сагынсык та,
Кире кайтмас инде ул чаклар.