Екі өзен
І. Арманымда сен жарқыным, 
Сағынамын мен алтыным.
Жанымда менің жоқсын тек, сен неге?
Есімде менің сол күндер, 
Аспаны айлы сол түндер,
Ұмыттым бәрін ертегі

Қайырмасы:
Асқар таудың биік өзені болайық,
Қосылып мәңгіге ғашықтар үніне. 
Жұлдыз боп жарқырап қоршаған аспанда
Армандаймын махаббатымды өңімде, түсімде. 

ІІ. Өзіңе қарап жан құрбым,
Көзіңді талай талдырдым, 
Нәзік сезімді өзіңдей, жалғыз сен. 
Өзіңдей көркем таппадым,
Айдындай мөлдір аппағым
Қиялға баттым жалғыз мен