Ак күлмәгем, ак күлмәгем
Бер киюдә каралттым.
Яратмавыңны белсәм дә
Әллә нигә яраттым.

Кушымта:
Ак күлмәгем, ак күлмәгем,
Якасы дулкын бизәк.
Кайрылган кош канатыдай
Әрнеп өзелә үзәк.

Ак күлмәгем, ак күлмәгем
Алларга манам инде.
Чәчәге сынган гөлләрдәй
Ялгызым калам инде.

Кушымта:
Ак күлмәгем, ак күлмәгем
Алмаштырмам карага.
Дөрли-дөрли янсын әйдә,
Сулар сипмә ярага.

Мин караны кими диеп
Син дә акны киярсең.
Гомер узгач, күлмәк тузгач
Бәлки син дә сөярсең.

Кушымта:
Ак күлмәгем, ак күлмәгем,
Якасы дулкын бизәк.
Кайрылган кош канатыдай
Әрнеп өзелә үзәк. 

Ак күлмәгем, ак күлмәгем,
Алмаштырмам карага.
Дөрли-дөрли янсын әйдә,
Сулар сипмә ярага.