Isches nid faszinierend 
Wie schnäll dases cha ga 
Das us grosser euphorie es debakel wird 
Chuum träisch di um 
Steisch o scho alleini da 
Hangishc im lääre ganz ängstlich u verwirrt

Niemer git mer e chance 
Es hei alli gseit es sig verby 
Aber i gibe no nid uf 
Mues mini angscht überwinde 
U i mir inn weissi genau 
Irgendwenn geit irgendwo e tüüre uf

Wunder passiere u i gloube dra 
Dass es irgendwenn für mi es wunder git 
Wenni d'hoffnig nie verliere u immer witer ga 
Bini sicher es isch o für mi emal so wiit 
Wunder passiere u i weiss genau 
Dasi usduur ha bis a ds ändi vo dr wält 
Jede troum woni verliere wöll i ne gheie lah 
Isch es stück vom glück wo für mi immer fählt

Hilf hani keini 
I schaffes o ohni das 
Mir öpper anders o no hilft derby 
Muetterseele alleini 
Unbeirrt uf dere strass 
Chalti luft dunkelheit und i

Nume ei gedanke 
Dä laht mi nümme los 
I ha mal ghört das was me wott würklech passiert 
Staht wider am afang 
U dr bärg vor mir schiint riisegross 
Aber i louffe los u i weiss

Glück isch wie liebe s chunnt u geit 
Nüt isch für gene het mal eine gseit 
Bi nid der einzig wo das ab u zue so isch 
Stricke chöi risse s'isch eso 
S chöi hinderniss i d'queri cho 
Aber ou denn gits immer no 
hoffnig wo mi treit u e stimm i mir wo seit