Б1есте ер ю, дуьне хазлур ду
Стигала кхийдаш делалур ду лаьмнаш.
Дуьне хаз да, ас ху дуьтур ду?
Сайна т1ехул т1аьххьар лесташ генаш.

Бода чехош, 1уьйре йог1ур ю
Стигала даре ц1арца серла доккхуш.
Адмий дагчоьхь ас ху дуьтур ду?
Дийначара т1аьххьар сай ц1е йоьккуш.

Ас делхийна иллеш хьолхур ду
Сан къиношна Деле гечдар доьхуш,
Ас адмашна г1ониг гечдийр ду,
Со везначий хьомсар б1аьргаш лоьхуш.

Лямнаш дузош, дог1а доьлхур ду,
Дуьне маду хаза ялташ хьекъаш.
Ас адмашна иллеш дуьтур ду,
Сайна т1ехул т1аьххьар стигал екаш