Goh sharbat, goh og‘u,
Ko‘hna g‘amga ko‘zgu,
Navqiron sevgi bu
Qo‘shiqlarimda qayta yaraldi!
Ham hijron, ham visol –
Sen, hayot! Sen, hayot!
Bog‘da bir gul misol,
Erkam, kuy bo‘lib men senga taraldim!

Sevgi-alam,
Yuragimga malham.
Seni sog‘indim, jon erkam.
Yo‘l ham
Yolg‘iz sen tomon.
Titrab yonar sham,
Nurlarim bir tutam,
Saqlab, uni so‘ndirmay bir dam,
Asrab olmoq – armon.

Goh dunyo tor, goh keng,
Borlik yo‘qlikka teng,
Sen yagonamsan eng,
Erkam!
Sevilganlar ichra tanhoman!
Jon har yondir zor-zor,
Dosh bersang bas, yurak!
Oy-quyoshdan darak,
Erkam,
Tun ko‘ksini yorgan ziyoman!