I 
Вош воацаш висачоа
Вош хинна оттар.
Йиш йоацаш висачоа
Йиш хила г1ортар.
Наьнага сатесса массехана
Г1оза вахара хьо деце,
Лаьтта, тха Нана.

Припев
Ер дуне готтадаь 
сагото хьовзарах,
Адамий къел-моцала 
борз санна ц1овзарах,
Вайна к1орда ма дергдац 
укх лаьтта даха.
Вайна к1орда ма дергдац
ер лаьтта аха.

II
Вай ираз хилача 
малх сана къагаш,
Вай г1айг1а хилача 
гарренцахь агаш,
Лаьтта да вайца 
дог г1озадувлар,
Лаьтта да вай бала 
ший дег чу булар.

Припев*

III 
Ер дуне дуачунна
фусам я лаьтта,
Ер дуне дутачун
фусам я лаьтта.
Вахара къаьстача
вейх массанег1а
Хьахургда юххера
из 1аьржа лаьтта.

Припев*