Геми келир, янашыр, 
Ичи толу чамашыр. 
Бу нек къадар гузеллик, 
Бакъкъан козьлер къамашир. 

Кель, меним Эреджебим, Эреджебим, 
Кельмесен, оледжегим. 
Къара юзюм салкъымы, салкъымы, 
Яр, сен алдын акълымы. 

Геми келир ялыдан, 
Дириклери къарадан. 
Эки яр бир севильмез, 
Мен чыкъайым арадан. 

Кель, меним Эреджебим, Эреджебим, 
Кельмесен, оледжегим. 
Къара юзюм салкъымы, салкъымы, 
Яр, сен алдын акълымы. 

Геми келир, ян келир, 
Узакълардан яр келир. 
Севе-севе айрылмакъ, 
БУ ЯШЛЫКЪТА ТАР КЕЛИР. 

Кель, меним Эреджебим, Эреджебим, 
Кельмесен, оледжегим. 
Къара юзюм салкъымы, салкъымы, 
Яр, сен алдын акълымы.