1.
Цо панаяб х1ухьел бух1улеб рек1ел
К1веларищ босизе самаъалъул нак1к1
Соролел лугбазул бугеб г1акъуба
Г1арза хъван кьеларищ, хъах1ил зодил хьухь

Дир чорхол рух1алъул х1айранлъиялъул
Х1акъикъат лъазабе шамалъул гьури
Гьалдолеб ц1аялъул ц1ураб каранзул
Кагъат кодобе кье кьурда ч1валеб бакъ

2.
Кьурулъ нух къосараб г1алхул чаница
Я нух балагьула я хвел босула
Хасел ун их щвела щобазул мокъокъ
Я мун данде къала я къоно ч1вала

Цо дуда бер ч1вараб саг1ат бач1ани
Бач1ун хинлъилаан хасало рии
Хвеч1ого мун йихьун хьул дир буссани
Дуниял бец1лъиларо бакъ т1ерхьаниги