Муз. и сл. народные
(изменённый текст Жанны Шунгаровой).

Къыз:
- Барсам, аллай джашха барлыкъма,
Бармасам да, юйде къаллыкъма,
Юч этажлы юйю болгъан,
Тюбюнде да "Джипи" болгъан -
Барсам, аллай джашха барлыкъма.

Джаш;
- Алсам аллай къызны аллыкъма,
Алмасам да, ма былай къаллыкъма.
Парча джастыкъ тышы болгъан,
Аны ичи евро болгъан -
Алсам, аллай къызны аллыкъма.

Къыз:
- Барсам, аллай джашха барлыкъма,
Бармасам да, юйде къаллыкъма.
Кийимлерин, кеси джуугъан,
Кёнчегине итиу ургъан -
Барсам, аллай джашха барлыкъма.

Джаш:
- Алсам аллай къызны аллыкъма,
Алмасам да, ма былай къаллыкъма.
Эртденгиде-эртде тургъан,
Джумушун этиб, толтургъан -
Алсам, аллай къызны аллыкъма.

Къыз:
- Барсам, аллай джашха барлыкъма,
Бармасам да, юйде къаллыкъма.
Хурджунунда диплом болгъан,
Айлыгъыда миллион болгъан -
Барсам, аллай джашха барлыкъма.

Джаш:
- Алсам аллай къызны аллыкъма,
Алмасам да, ма былай къаллыкъма.
Субай ариу саны болгъан,
Узун ариу чачы болгъан -
Алсам, аллай къызны аллыкъма.

Къыз:
-Барсам, аллай джашха барлыкъма,
Бармасам да, юйде къаллыкъма...

Джаш:
- Юч этажлы юйю болгъан,
Тюбюнде да "Джипи" болгъан -
Алсам, аллай къызны аллыкъма.