I куплет
Сен догъгъанда, джаным,
Тереклер къуванып хайтарма ойнады,
Дагълар севинип еринде секирди,
Денъиз зевкъланып ялыларны ташырды,
Айванлар айретленип гедже-куньдюз багъырды,
Ель исе нешеленип дамларны учурды.

Припев
Зерадыр сенинъ адынъ,
Атештен де сыджакъ юрегинъ,
Сюттен де беяз сенинъ юзюнъ,
Сувдан да темиз бакъышынъ.
Сени, бирданем, корьгенде,
Къаным бирден къайнап кете.
Шаат олсун мавы кок,
Сенсиз манъа омюр ёкъ.

II куплет
Сен уянгъанда, джаным,
Кунеш къыскъанып дагъларгъа сакълана,
Гуллер утанып япракъларны тюшюре,
Кок къушагъы пахыллап ренклерни гъайып эте,
Йылдызлар да куньлеп ышыкъларны сёндюре,
Джевхерлер де къыяслап зийнетини джойып кете.

Припев
Зерадыр сенинъ адынъ,
Атештен де сыджакъ юрегинъ,
Сюттен де беяз сенинъ юзюнъ,
Сувдан да темиз бакъышынъ.
Сени, бирданем, корьгенде,
Къаным бирден къайнап кете.
Шаат олсун мавы кок,
Сенсиз манъа омюр ёкъ