Бала чакта сандугачтай килә иде сайрасы,
Мәхәббәтнең иң чибәрен килә иде сайлыйсы.
Әле дә истә, әле дә истә балачак хыяллары,
Салават күпере кебек күңелем хыяллары.

Кушымта:
Сандугачым өйрәт мине,
Өйрәт мине сайрарга!
Сайрармын да, җырлармын да
Иң кадерле дусларга.

Чәчәкле бала чагымны җырлатам әле кайлап,
Сөюемне аңлатырга сандугач булып сайрап.
Сандугачым сайра, сайра сайра син арыганчы,
Сайра диләр, халкың өчен, йөрәгең ярылганчы.

Кушымта:
Сандугачым өйрәт мине,
Өйрәт мине сайрарга!
Сайрармын да, җырлармын да
Иң кадерле дусларга.