Ойлап тұрсам, бұл дүние-ай шолақ екен-ай!
Бұл өмірге ей  адамдар қонақ екен-ай!
Арман-ай, өтеді дүние-оу жалған-ай! 2х

Қызғалдақтай-эй құлпырған қайран жастық-ай!
Қара жерге эй қар жаумас болады екен-ай!
Арман-ай, өтеді дүние-оу жалған-ай!

Қудым сені-ай, дүние, жалықпай-ақ-ау
Ұстатпадың-ай судағы балықтай-ақ-ай!
Арман-ай, өтеді-ай дүние-ай жалған-ай!

Кейде оңыңды көрсетіп, кейде солыңды-ай
Танытпай-ақ-ау қойды-ау дидарыңды-ай!
Арман-ай, өтеді-ай, дүние-ай, жалған-ай