Чаралар юк язмышларга
Рөстәм Хәйруллин көе Шәрига Таһирова сүзләре

Исеңдәме, ямьле язда
Сокланыштык йолдызларга.
Тиңдәшләр идек пар былбылларга,
Гашыйклар идек дөньяга.

Күктә киек казлар җыры,
Күзләреңдә юллар моңы.
Янар йөрәктә дөрләп кабынды
Югалтуның авыр моңы.

Җан газизем, син моңайма,
Җиңел түгел бит болай да.
Өмет нур яксын сагынуларга
Чаралар юк язмышларга.