Со солдатъёс, кудъёсыз ке оз бертэ
Ож лудъёсысь (мон оскисько солы):
Сосырмыса, кот музъеме оз выдэ, – 
Пормытскизы тодьы туриослы.

Лобо соос эльёс вылти, лобо но
Сёто куараоссэс улисьёслы.
Сотэк-а, сокем жож синмын, сотэк-а,
Жож мылкыдын инме учкиськомы...

Лобе, лобе тури уллё, жадем кадь,
Нунал кысон вакыт лобе, бус пыр, 
Со уллёын пичи гинэ вискыз вань,
Оло нош, мон понна ни со инты? 

Огпол чагыр чукна нунал вордскоз но,
Уллё полын, таче ик бус пырти,
Жутско инме но ин жуждаласен мон
Турлёктыса кошко гурт вадести.

Со солдатъёс, кудъёсыз ке оз бертэ
Ож лудъёсысь (мон оскисько солы):
Сосырмыса, кот музъеме оз выдэ, – 
Пормытскизы тодьы туриослы.