Юлашки хут сана куҫран
Эп пӑхӑп юратса паян.
Сар ҫулҫӑ пек вӗҫсе ҫухалчӗ юрату.
Пире кӗтет халь уйрӑлу.

Иртеҫ ҫулсем, вӗҫеҫҫӗ тунсӑхлӑ кунсем.
Эс манпа мар, ӑҫта сана шырас?
Мӗнле сӑмах тупас, мӗнле ши йӑпатас сана савса?
Санпа кӑна телей тупас?

Шур акӑш пек ҫунат сарса
Вӗҫсе эс кайрӑн пӑрахса.
Ĕмӗрлӗхе эс юлтӑн манӑн асӑмра.
Сан сӑнару ҫеҫ халь умра.

Иртеҫ ҫулсем, вӗҫеҫҫӗ тунсӑхлӑ кунсем.
Эс манпа мар, ӑҫта сана шырас?
Мӗнле сӑмах тупас, мӗнле ши йӑпатас сана савса?
Санпа кӑна телей тупас?

Парнелӗп эп ҫурхи тӗнче
Сана анчах аса илсен.
Сана анчах шыратӑп пуш урамсенче.
Юрлатӑп, илтӗн-ши тесе.

Иртеҫ ҫулсем, вӗҫеҫҫӗ тунсӑхлӑ кунсем.
Эс манпа мар, ӑҫта сана шырас?
Мӗнле сӑмах тупас, мӗнле ши йӑпатас сана савса?
Санпа кӑна телей тупас?