ВАРМИНЕ
(Трофимень моронть коряс)
Течи мон а таркасон.
Аштян экше вармасо,
Кельмевтимим седейс молемс.
А вечкемам, а кудом –
Вана тон ды вана мон,
Ды ней ков теевемс-молемс?

Оймем таго нусмакадсь,
Синдезь трёшникем арась,
Ды перьканок – сюпавчитне.
Арсезеван ялгадон,
Вана тон ды вана мон,
Ды ютазев пекстазь китне.
Эрямось – сон истямо:
Авидечись свал чумо.
Ламо чумонтень цидярдомс.
Вейке пестэ лия пев –
Истямо содавикс тев.
Вадря, бути чись ютавтовсь.

Адя паро, кодаяк,
Яла икелев ютак,
Ойметь улезэ а пулев.
Весементь ушодан одс,
Вана тон ды вана монсь.
Ды улезэ, мезе ули.

Савсь истямо ёжос прамс –
Мелем моданть кутмордамс
Эйзэнзэ чамасо неждямс:
«Марить, тиринем, валон,
Вана тон ды вана мон,
Мерть эйсэть седеем эждямс!»

(Эрзянь кельс ютавтызе Татьяна МОКШАНОВА)