Еламый ир-егет, еламый
Зифа Нагаева көе һәм сүзләре 

Ир-ат күңеле каты диючеләр бар,
Эчтән янып-сызып йөрүчеләр бар.
Башка нинди генә авырлык килсә дә
Күкрәк тулы ялкын бәгырьне киссә дә.

Еламый ир-егет, еламый,
Көчсез булу аңа ярамый.
Йодрыгыңны төйнәп, кысма тешеңне
Ярсып язмышыңнан алма үчеңне.
Елат гармуныңны, яраткан җырыңны
Түзгәннәргә кояш чыга ул,
Ир йөрәге барга чыдам ул...

Үрелмә шәрабка, төшмә упкынга
Белмәсен хәлеңне якын дустың да.
Тизлекләр арттырып чыкма юлларга
Кеше гомерләре синең кулларда.

Көтмә ярдәм кулы, таян үз көчеңә,
Җаның белән бирел сөйгән эшеңә.
Язмыш сынауларын җиңәлдең икән
Димәк син яшисен, димәк син исән.