Алыс бодум ак-көк Сүт-Хөл оглу болгаш
Адаан-мөөрей оюннерга ынаам кончуг
Ачыр-дачыр девип үнген мөгелерге
Аян ырым хей-аът киирип чоруур болзун

Күчүтенден арзылаңнар начыннарга
Күжүр бодум аян ырым бараалгадыйн
Арат-чонум кымның шүүрүн манагзынып
Аразында сымыранчып олурлар боор. 

Хуурак-ла боор, Түлүш-ле боор, азы кым деп
Хамык чонум оолдарынга чоргаарланзын
Чоннуң ийи мөге оглу артып калды
Чоргаар шыырак Тывам оглу шүглүп үнзүн.