Эше изием годым шоҥго коваем
Шуко мурымемлан шылтален: "Сита" 
Ончылныже кызыт шуэнрак мурем,
Но колам вес семым, тыгерак рӱда:
"О, мыняр ияш ынде тый улат, 
Ойло ӱдырым кунам гын налат?
Шоналтет уке, шешкым пуртыде,
Огеш керт коват уныкам ужде."

"Ӱдырым налам",- манам, поро коваем.
Чылан мотор улыт, ом керт ойырен.
Ойлем воштылалын: "Полшо повоем"
Палыме йомакшым угыч шарналтем:
"О, мыняр ияш ынде тый улат, 
Кӧ пала кунам ӱдырым налат,
Шоналтет уке, кушто намысет?
Рвезе вует ден мыйымак рӱзет.
О, мыняр ияш ынде тый улат, 
Кӧ пала кунам ӱдырым налат,
Шоналтет уке, кушто намысет?
Рвезе вует ден мыйымак рӱзет"

"Эше, манам, колышт, поро коваем,
Чытыде вел шоҥго вуйжым рӱзалеш
Эрлак манам мӧҥгӧ вӱдалтен кондем,
Шӱлалталын келгын йӱкын тӱҥалеш:
"О, мыняр ияш ынде тый улат, 
Шоналтет уке мом тый ойлыштат?
Шуын отыл тый ӱдырым налаш,
Уныкам ужде тек перна илаш.
О, мыняр ияш ынде тый улат, 
Шоналтет уке мом тый ойлыштат?
Шуын отыл тый ӱдырым налаш,
Уныкам ужде тек перна илаш"