Къамыша бакъ, къамыша,
Сув не эйлейсинъ янъмыша.
Буюк сабырлар керек,
Ярындан айрылмыша.

Мен бир индже къамышым,
Атешлере янъмышым.
Истер ал, истер алма,
Башынъа язылмышым.

Фурун устюнде курек,
Янъып къавралма юрек.
Чокъ дертлере даяндым,
Бунъа да даянмакъ керек.

Айгиди ёллар, узундыр ёллар,
Сонъсыз дыр ёллар битмез де ёллар.
Ёллар, ёллар, бу ёллар -
Севдигим кельмез ёллар.