«Чаму?»

(верш Андрэя Хадановіча)

Прыходзiць Алёнка i мучае:

— Чаму агуркі калючыя?
Чаму люстэрка бліскучае?
Чаму парфума пахучая,
А госці прыходзяць кучаю?

Чаму такая трындзючая
Ў навінах тэлевядучая,
А мамка на татку злючая,
Як посуд мые анучаю?

Чаму казюрка паўзучая?
Чаму крапіва пякучая?
А дзверы — такія рыпучыя?
А ўколы — такія балючыя?
Чаму агуркі калючыя?

— Таму што ты даставучая!