Che bella cosa, 'na iurnata 'e sole
N'aria serena doppo 'na tempesta
Pe' ll'aria fresca pare già 'na festa...
Che bella cosa 'na iurnata 'e sole

Ma n'atu sole cchiù bello, ohi nè
'O sole mio, sta 'nfronte a te!
'O sole, o sole mio
Sta 'nfronte a te, sta 'nfronte a te!

Lùcene 'e llastre d'à fenesta toia,
'Na lavannara canta e se, ne vanta
pe' tramente torce, spanne e canta
Lùcene 'e llastre d'à fenesta toia

Ma n'atu sole cchiù bello, ohi nè
'O sole mio, sta 'nfronte a te!
'O sole, 'o sole mio
Sta 'nfronte a te, sta 'nfronte a te!

Quanno fa notte e 'o sole se ne scenne,
Me vène quase 'na malincunia
Sotto 'a fenesta toia restarria
Quanno fa notte e 'o sole se ne scenne

Ma n'atu sole, cchiù bello, ohi nè
'O sole mio sta 'nfronte a te!
'O sole, 'o sole mio
Sta 'nfronte a te, sta 'nfronte a te!
1898
----------
Слова: Giovanni Capurro (неаполитанский диалект)
Музыка: Eduardo di Capua, 1898