Шириним, айткым келет, атыңды кайра-кайра,
Баа жеткис бал каймагым өзүң гана.
Чырагым, айткым келет, кайталап кайра-кайра,
Аккансыйм айлуу түндө чексиз дайра.

Жүрөгүм сага арнадым,
Жүдөткөн жан арманым.
Карачы, кандай сонун жарашканым.

Кайырма:
Жаралганым, жан арманым,
Жараланган жүрөгүмдү сага арнадым.
Бал шириним, бар демимдин
Билем жаным, билем жаным, мен сендикмин,
Эзилем эрдиңден, эркиме бериле.

Капилет капкан сүйүү карманып бура албадым,
Кайратсыз канаттарым, кага албадым.
Байкабай таткан сүйүүм, багымдын гүлүн ачты,
Баралы келген беле махабаттын.

Жылытам кучагыма,
Жыпарым келчи мага.
Жылдызым, баткым келет жыргалыңа.