Айанныыр ахтылҕан атыгар олорсон
Төрөөбүт дойдубар айаннаан эрэбин
Сайыҥҥы сыралҕан күннэрин туруорсан
Мин аппын кыратык кымньыылаан биэрэбин

Мин атым сыыдамнык айанныыр
Атаҕын сымсатык ылаттыыр
Дэгэтэр сэгэтэр сиэллэрэр
Ахтылҕан кинини тиэтэтэр2

Мунчаарбыт санаабын өйбүттэн сайҕыыбын
Дэгэрэҥ тэтимнээх айаммын салҕыыбын
Эрэлим иннибэр, эрэйим кэннибэр
Мин дьылҕам тэһиинэ тус бэйэм илиибэр

Мин атым сыыдамнык айанныыр
Атаҕын сымсатык ылаттыыр
Дэгэтэр сэгэтэр сиэллэрэр
Ахтылҕан кинини тиэтэтэр2

Хайаан да баҕабын толорон тэйиэҕим
Бар дьоммор кэрэни кэһилээх тиийиэҕим
Сырдыкка талаһыым үтүөҕэ дьулуһуум
Бу орто дойдуга дьоллоохтук олоруом

Мин атым сыыдамнык айанныыр
Атаҕын сымсатык ылаттыыр
Дэгэтэр сэгэтэр сиэллэрэр
Ахтылҕан кинини тиэтэтэр2